Ўзбекистоннинг аксарият ҳудудларида бўлгани каби, 25 апрель, шанба куни оқшомда Тошкент шаҳрида кучли шамол эсди, оқибатда бир қатор кўнгилсиз ҳолатлар юз берди.
Хусусан, шаҳарнинг кўплаб жойларида дарахт шохлари сингани, баъзи ҳолатларда бу шохлар автомобилларнинг устига тушгани, шунингдек, бир қатор автотураргоҳларнинг томлари учиб кетганини тасдиқловчи фотосуратлар ижтимоий тармоқларда эълон қилинди.
Кучли шамол натижасида Чорсу майдонидаги реклама баннерларидан бири ағдарилганини ҳам кўриш мумкин.
Шунингдек, фойдаланувчилардан бири янги қурилган «Минор» масжидининг қаршисидаги маҳалла атрофига ўрнатиб чиқилган тунука деворлар шамол натижасида ағдарилиб кетгани панорама-тасвирини ҳам жойлаштирган.
Аввалроқ, Тошкент шаҳрининг Яшнобод туманида жойлашган «Жўрабек» масжидида ёнғин юз бергани ҳақида хабар берилган эди. Қайд этишларича, узилган электр симларининг қисқа туташуви натижасида келиб чиққан.
Изоҳ (0)