Англияда йилнинг энг яхши футболчилари ва чемпионатнинг рамзий термаси эълон қилинди

Профессионал футболчилар ассоциацияси (PFA) Англия чемпионатининг 2014/15 йилги мавсуми лауреатларини эълон қилди, деб хабар беради «Sport-express.ru».

Англия Премьер-лигасида йилнинг энг яхши футболчиси деб «Челси» ярим ҳимоячиси Эден Азар топилди.

«Тоттенҳем» ҳужумчиси Харри Кейн йилнинг энг яхши ёш футболчисига айланди.

Бундан ташқари йилнинг рамзий терма жамоаси ҳам эълон қилинди. Ушбу термага энг кўп — 6 нафар футболчи «Челси»дан киритилди.

AПЛ 2014/15 йилги мавсуми рамзий термаси:

Дарвозабон: Давид де Хеа («Манчестер Юнайтед»);

Ҳимоячилар: Райан Бертран («Саутгемптон»), Жон Терри, Гари Кейхилл, Бранислав Иванович (барчаси – «Челси»);

Ярим ҳимоячилар: Эден Азар, Неманя Матич (иккаласи – «Челси»), Филиппе Коутиньо («Ливерпуль»), Алексис Санчес («Арсенал»);

Ҳужумчилар: Харри Кейн («Тоттенҳем»), Диего Коста («Челси»).