Аввал хабар берганимиздек, Тошкент шаҳридаги «Next» савдо-кўнгилочар мажмуасида 25 апрель куни халқаро тоифадаги илк муз шоуси бўлиб ўтади.
Унда Ўзбекистоннинг икки карра чемпиони, 2014 йилги қишки Олимпия ўйинлари иштирокчиси, фигурали учиш бўйича республика ва халқаро миқёсдаги кўплаб мусобақалар ғолиби Миша Ге иштирок этади.
Шу муносабат билан Тошкентга ташриф буюрган Миша Гедан «Pixland.uz» нашри интервью олиб, унинг иштирокида фотосессия уюштирди
«Ҳар сафар Ўзбекистонга келганимда фигурали учишга қизиқувчи кишилар бора-бора кўпаяётганини кўраман. Яхмалак ва секциялар очилмоқда, ҳақиқий муз пайдо бўлди», — деди Миша Ге ўз таассуротлари билан бўлишар экан.
«Ўзбекистондан учиб кетаётганимда ўзим билан нон ва қуруқ мевалар олиб кетаман. Умуман биздаги егуликлар — суҳбат учун алоҳида мавзу бўла олади. Бу ерда ҳаммаси мазали ва фойдали», — дея таъкидлади спортчи.
Миша энг чиройли спорт турларидан бири мамлакатда ривожланишда давом этишига умид билдириб қолди. «Ўзбекистон — иссиқ мамлакат, муз унинг учун ноодатий нарса. Бироқ Ўзбекистоннинг жаҳон аренасидаги келажагига ишонаман ва бунинг учун бор кучимни ишга соламан», — дея таъкидлади у.
Изоҳ (0)