Чеченистон раҳбари Рамзан Қодиров махсус хизматлар ходимларига республика раҳбарияти билан келишилмай ўтказиладиган махсус операцияларнинг иштирокчиларига қарата ўт очишга рухсат берди, деб хабар қилмоқда «РБК».
Грознийда Ставропол полицияси ва бирлашган гуруҳ томонидан ўтказилган операция чоғида федерал қидирувда бўлган Жамбулат Дадаев ўлдирилгач чақирилган республиканинг ҳуқуқни муҳофаза қилувчи органлари раҳбарлари йиғилишида Қодиров шундай баёнот берган.
«Бизнинг ҳудудимизда бунақаси кетмайди. Чеченистонда қонун устувор эканлигини ҳамма билиши лозим. Мен сизларга расман маълум қиламанки, агар ҳудудингизда сизнинг хабарингиз бўлмасдан москваликми, ставрополликми, кимлигининг аҳамияти йўқ, пайдо бўлса, ўт очишингиз мумкин
Биз оддийгина Ингушетия ҳудудига ўтиб, экстремистларни қўлга олиш бўйича операция ўтказиш ҳуқуқига эга эмасмиз. Биз Россия Федерацияси конституциясини бунинг учун, бизни ўлдиришлари учун қабул қилмаганмиз», — деди Қодиров.
Изоҳ (0)