Осиё Чемпионлар лигаси мусобақасининг гуруҳ босқичи 5-туридан ўрин олган «Локомотив» ҳамда «Ал-Ҳилол» клублари ўртасидаги учрашув ниҳоясига етди, деб хабар бермоқда «Uff.uz».
Учрашувда 1:2 ҳисоби қайд этилиб, меҳмонларнинг ғалабаси билан якунланди.
Биринчи бўлимда томонлар дарвоза дахлсизлигини сақлаб қола олди. Бироқ иккинчи бўлимда ҳаммаси ўзгариб кетди. «Ал-Ҳилол» футболчилари 57-дақиқада Наваф ал-Абиднинг хатти-ҳаракатлари эвазига ҳисобни очди. 72-дақиқага келиб, Абдулла ал-Досари чиройли бошланган ҳужумни якунлаб, иккинчи голга муаллифлик қилди.
Аслида мазкур гол ўйин тақдирини ҳал қилганди. Сўнгги сонияларда Темирхўжа Абдухолиқов битта жавоб голини уришга эришди.
Шу тариқа, Вадим Абрамов шогирдлари навбатдаги очколарни йўқотди ва гуруҳдан чиқиш вазифасини янада оғирлаштирди.
ОЧЛ, 5-тур
«Локомотив» — «Ал-Ҳилол»: 1:2
Голлар: Темирхўжа Абдухолиқов (90+5) — Наваф ал-Абид (57), Абдулла ал-Досари (72)
«Локомотив»: Маъмур Икромов, Шавкат Муллажонов, Салим Мустафоев, Неманя Яничич, Икром Алибоев, Сардор Мирзаев, Жасур Ҳасанов (кичик), Лутфулла Тўраев, Санжар Шоаҳмедов, Жасур Ҳасанов, Марат Бикмаев.
«Ал Ҳилол»: Ҳолид Шараҳли, Абдулла ал-Досари, Тиаго Невес, Ёсир ал-Шаҳрони, Салмон ал-Фараж, Сауд Карири, Квак Тай Хви, Наваф ал-Абид, Дигао, Салим ал-Давсари, Муҳаммад Жаҳфали.
Изоҳ (0)