Покистонда келиндан рад жавобини олган куёв уни ва қариндошларини ўлдирди

Покистоннинг Чарсадда шаҳрида 25 ёшли Аҳмад Шоҳ ўзининг қариндоши бўлган собиқ қайлиғи ва унинг оила аъзоларини ўлдирди, деб хабар бермоқда «Segodnya.ua».

Эркак қизнинг ўзини, ота-онасини ва етти нафар ака-ука, опа-сингилларини ўлдирган. Улардан икки нафари ёш болалар бўлган. Қайд этилишича, ушбу қотиллик қиз қариндошига турмушга чиқишдан бош тортгач содир этилган.

Ҳозирда Аҳмад Шоҳ полициядан қочиб юрибди. Дастлабки маълумотларга кўра, жиноятчи AK-47 автомати билан қуролланган. Маълум қилинишича, ярим йил олдин Аҳмад Шоҳ ўз ота-онаси ва икки нафар акасини қалин пули тўлашни истамагани учун ўлдирган.