АҚШнинг Алабама штатидаги Монтгомери шаҳри суди нотўғри ҳукм туфайли 30 йил ўлим жазосини кутиб қамоқда ўтирган 58 ёшли Энтони Хинтонни озод қилиш тўғрисида қарор чиқарди, деб хабар бермоқда ТАСС.
1986 йилда Хинтон тез овқатланиш ресторанининг икки менежерини ўлдирганликда айбланиб, ўлим жазосига ҳукм қилинган. Терговчилар қотиллик унинг уйидан топилган тўппонча ёрдамида содир этилганини таъкидлаган.
Яқинда ўтказилган экспертизада ўқ бошқа қуролдан отилгани маълум бўлган. Янги вазиятларни ўрганиб чиққан суд Хинтонни айбсиз деб топди, у жума куниёқ озодликка чиқарилиши кутилмоқда.
Аввалроқ, ёлғон гувоҳлик туфайли умрининг 39 йилини қамоқда ўтказган америкалик озод қилингани хабар берилган эди.
Изоҳ (0)