БМТ Бош котиби Пан Ги Мун Эрон ва халқаро воситачилар «олтилиги» (АҚШ, Россия, Буюк Британия, Франция, Хитой ва Германия)ни Теҳрон ядро дастури бўйича музокаралар муваффақиятли якунлангани билан табриклади, дея хабар бермоқда БМТ матбуот хизмати.
«Ядро дастури бўйича кенг қамровли битим Эрондан барча санкцияларни олиб ташлаш имконини беради, — деди Пан Ги Мун. — У Эрон эҳтиёжлари ва ҳуқуқларини ҳимоя қилади, шу билан бирга, халқаро жамоатчилик учун унинг ядро дастури фақат тинчлик хусусиятига эга бўлишини кафолатлайди».
Эслатиб ўтамиз, 2 апрель куни Эрон ва халқаро воситачилар «олтилиги» Эрон ядро дастури бўйича сиёсий келишувга эришди. Битимни тайёрлаш жараёни 30 июнгача якунланади. АҚШ Давлат департаменти баёнотида айтилишича, Эрон ядро дастури устидан назорат турли йўналишлар бўйича 10 йилдан 25 йилгача давом этади.
Изоҳ (0)