Туркманистон Президенти Гурбангули Бердимуҳаммедов Ислом Каримовни Ўзбекистон Президентлигига сайлангани муносабти билан табриклади, деб хабар бермоқда «Туркменистан: Золотой век» электрон газетаси.
«Сизга мустаҳкам сиҳат-саломатлик, куч-ғайрат, шунингдек олий давлат лавозимида Ўзбекистоннинг биродар халқи тараққиёти ва фаровонлиги йўлида муваффақиятлар тилайман.
Муҳтарам Ислом Абдуғаниевич, Сизга бўлган юксак ҳурматим ҳамда мамлакатларимиз ва халқларимиз ўртасидаги биродарлик муносабатларини янада ривожлантириш ва мустаҳкамлашга тайёрлигимни изҳор этишга ижозат бергайсиз», − дейилади табрикда.
Эслатиб ўтамиз, Марказий сайлов комиссияси томонидан эълон қилинган Ўзбекистон Президенти сайловининг дастлабки натижаларига биноан Ислом Каримовга сайловчиларнинг 90,39 фоизи овоз бергани маълум бўлди.
Аввалроқ, Ислом Каримовни Ўзбекистон Президенти сайловидаги ғалаба билан Россия Президенти Владимир Путин, Қозоғистон Президенти Нурсултон Назарбоев, Хитой Халқ Республикаси Раиси Си Цзиньпин ва Тожикистон Президенти Эмомали Раҳмон табриклагани хабар берилган эди.
Изоҳ (0)