Қорақалпоқ элининг истеъдодли санъаткори актриса Шаҳзода Матчонова она юрти ҳақида фикр билдирди, деб хабар беради «Darakchi.uz».
Ижодкор Қорақалпоғистон инсонлари бағрикенг, меҳрибон эканлигини, шундай гўзал ва бетакрор гўшада туғилиб ўсгани билан фахрланишини қайд этар экан, ҳар гал Нукусга борса, у ердаги ўзгаришларни кўриб, дили яйрашини айтди.
Шаҳзода она юртидаги энг қадрли нарсаларни ҳам ёдга олиб ўтди: «Савицский музейини шак-шубҳасиз бутун дунё яхши танийди, дея оламан. Буни музейга ташриф буюрадиган сайёҳлар сонидан ҳам билиш қийин эмас.
Орол денгизи менга жуда қадрли бўлиши билан биргаликда юрагимнинг оғриқли нуқтаси. Денгизнинг қуриши нафақат мен учун, балки бутун сайёрамиз учун аянчли ҳолат. Бундан ташқари, Қорақалпоғистоннинг жуда бой маданий тарихи бор».
Изоҳ (0)