Американинг DMSP-F13 ҳарбий йўлдоши орбитада портлаб кетди, дея хабар бермоқда «АиФ» Sky News’га таяниб.
Нашр маълумотларига кўра, фавқулодда ҳодиса 3 февралдаёқ содир бўлган, бироқ ҳарбийлар ушбу ахборотни 2 март куни расман тасдиқлаган.
Ҳарбий ҳаво кучлари вакиллари сўзларига кўра, портлашга ҳароратнинг кескин кўтарилиб кетиши сабаб бўлган. Натижада йўлдош бошқарувни йўқотган ва портлаган.
DMSP-F13 2006 йилдан эскирган ҳисобланади, ўша йилдан уни захирага ўтказишган. Йўлдош АҚШнинг Ҳарбий метеорологик йўлдош дастури тизимига киради. Айни пайтда дастур доирасида орбитада ишга яроқли олтита объект мавжуд.