Буюк Британияда дунёдаги энг кекса бармен аёл вафот этди

Буюк Британияда дунёдаги энг кекса бармен аёл Долли Севилл 101 ёшида вафот этди, дея хабар бермоқда «Корреспондент.net». Долли Сэвилл бар ортида жами 74 йилдан ошиқ вақт давомида ишлаган.

1940 йилда Долли Англия марказидаги Бакингемшир графлигида жойлашган Вендовер шаҳрида «Қизил шер» меҳмонхонаси барида иш бошлаган.

Сэвилл Беркшир графлигидаги Итон шаҳрида туғилган. 14 ёшида мактабни ташлаб, оқсоч бўлиб ишга кирган. 19 ёшида турмушга чиқиб, икки фарзанд кўрган.

Долли Сэвиллдан уч невараси, уч эвараси ва бир чевараси қолди.