15 февраль, якшанба куни интернетда сирли Dodge Caravan минивэни акс этган видеолавҳа пайдо бўлди, деб ёзади «Российская газета». Аввалроқ ОАВлар унинг Apple компаниясига тегишли бўлиши мумкинлигини тахмин қилган эди.
Ҳаваскор томонидан олинган видеода машина турар жой мавзесидаги кўчада ҳаракатланиб, киришни тақиқловчи белгига дуч келгач, қайрилиб, тескари йўналишга кетганини кўриш мумкин.
АҚШнинг Калифорния штати Пало-Альто шаҳри кўчалари бўйлаб юрган ушбу автомобиль нимага мўлжаллангани ҳақида ишончли маълумотлар бугунги кунда йўқ. Унинг томига машина атрофини суратга олувчи кузатув камералари тизими ўрнатилган.
Изоҳ (0)