«Бунёдкор» – «Ал-Жазира» жамоалари ўртасидаги учрашув олдидан бўлиб ўтган матбуот анжуманининг иккинчи қисмида Сергей Лушан қатнашди, деб хабар беради «Uff.uz».
«Эртага мавсумдаги илк расмий ўйинимизни ўтказамиз. Умид қиламанки, мухлислар қизиқарли баҳс гувоҳи бўлади», – дея гап бошлади «Бунёдкор» мураббийи.
Акмал Шораҳмедов: Эртанги ўйин жуда муҳим. Нима қилиб бўлса ҳам Чемпионлар лигаси гуруҳ босқичига чиқишимиз керак.
Савол: Ноқулай об-ҳаво ҳалақит қилмайдими?
Жавоб: Об-ҳаво икки жамоа учун ҳам бир хил. Бор эътиборимизни майдондаги ўйинга қаратамиз. Аввалдан ўйлаб қўйган режаларимиз бор.
Савол: Акмал Шораҳмедовга савол. Қайси футболчиларни ўрганиб чиқдингиз?
Жавоб: Мен ҳимоячи бўлганим учун кўпроқ ҳужумчиларни ўрганиб чиқдик. Али Ал-Мабҳут, Вучинич каби ҳужумчилар бор. Уларна яхшилаб қўриқлашга ҳаракат қиламиз.
Савол: Статистикага мурожаат қиладиган бўлсак, ўтиш босқичида ҳеч қайси ўзбекистонлик клуб муваффақиятли иштирок этмаган экан...
Жавоб: Биз бунга барҳам беришга ҳаракат қиламиз.
Савол: Эртанги рақиб жуда ҳам кучли. Бу футболчиларга ортиқча босим юкламайдими?
Жавоб: Асосий муаммо рақибнинг кучлилигида эмас, балки эртанги ўйин биз учун биринчи расмий учрашув эканлигидадир. Футболчилар бундай ўйинларни соғиниб қолган. Умид қиламанки, эртага кўплаб мухлислар ташриф буюриб, бизни қўллаб-қувватлайди.
Савол: Кучли жамоага қарши қандай тактика танламоқчисиз?
Жавоб: Кучли рақибга қарши тартибли ўйин орқали ҳаракат қилиб, ғалаба қозонмоқчимиз.
Савол: Майдоннинг аҳволидан қониқиш ҳосил қилдингизми?
Жавоб: Майдон ажойиб ҳолатда.
Изоҳ (0)