Эйфель минораси селфи-суратлар учун дунёдаги энг яхши фон деб тан олинди, дея хабар бермоқда The Daily Mail. Бундай рейтинг сайёҳлик манзилларига бағишланган AttractionTix портали экспертлари томонидан тузилди.
Топ-лист сайёҳлар томонидан туширилган селфилар бўйича статистик маълумотларни ўрганиш орқали тузилди. Мутахассислар аниқлашича, 2015 йил бошидан буён Эйфель минораси Instagram’даги 10,7 мингдан ортиқ постда тилга олинган. Ундан кейинги поғоналарни эса 9,9 минг ва 8,86 мингта пост билан Флоридадаги Disney World кўнгилочар комплекси ва Дубайнинг Бурж-Халифа осмонўпар биноси эгаллади.
Селфи олиш учун энг оммабоп манзиллар ўнталигига, шунингдек Лондондаги Big Ben, Нью-Йоркдаги Empire State Building, Барселонадаги Муқаддас оила собори, Париждаги Disneyland, Римдаги Колизей, Нью-Йоркдаги Top of the Rock томоша майдони ва Лондон кўприги кирди.
Изоҳ (0)