Тошкентда GoPro Hero4 «экшн-камера»сини 2,1 млн сўмга харид қилиш мумкин

Ўзбекистонда Woodman Labs Inc. компаниясининг GoPro Hero4 «экшн-камера»си сотила бошлади, дея хабар бермоқда «Mobinfo.uz».

Тошкентда таклиф этилаётган модель — 16 гигабайтли GoPro Hero4 Silver ички сенсорли дисплейга эга.

Бундан ташқари, тунги съёмка учун Night Photo ва Night Lapse режимлари мавжуд. Шунингдек, қурилма сониясига 5 та кадр тезликда 5 мегапикселли суратлар туширади.

Камеранинг камчиликлари  — Wi-Fi, HDMI порти йўқлиги ҳамда ҳимоя ғилофидан чиқариб бўлмаслиги туфайли батарейкасини алмаштириш иложсизлиги.

Пойтахтдаги «Флешка» савдо мажмуасида GoPro Hero4 Silver «экшн-камера»сини 2,1 миллион сўмга харид қилиш мумкин.