Samsung Galaxy J1 смартфони расман тақдим этилди

Жанубий Кореянинг Samsung компанияси Малайзия сайтида янги Samsung Galaxy J1 смартфони пайдо бўлди, дея хабар бермоқда «Mail.ru».

Қурилма, аввалроқ у ҳақда интернетга чиқиб кетган маълумотлар билан тўлиқ мос тушади. Чунончи, у 800×480 пиксель 4,3 дюймли экран, 1,2 ГГц икки ядроли процессор, 512 Мб тезкор ва 4 Гб ички хотира билан жиҳозланган. Асосий камераси 5, олд камераси 2 мегапикселлидир.

Смартфонга бир йўла иккита SIM-карта ўрнатиш мумкин. У анча ихчам бўлиб, ўлчамлари 129×68,2×8,9 мм, оғирлиги 130 граммга тенг. Батареяси сиғими 1850 мА/с ни ташкил этади.

Galaxy J1 ташқи қиёфаси жиҳатидан компаниянинг бундан аввалги смартфонлари, хусусан Galaxy S флагман линейкаси моделлари билан жуда ўхшаш.