Дунёда энг кучли ҳимояланган смартфон BlackPhone хакерлар учун осон ўлжа бўлиб чиқди, дея хабар бермоқда «Российская газета». Смартфон яратувчилари харидорларни унинг суперкучли хавфсизлик тизими билан жиҳозлангани, уни ҳеч қандай махфий ташкилот ҳам, ёвуз ниятли кишилар ҳам буза олмаслигини таъкидлаб келган эди. Бироқ Австралиянинг Azimuth Security фирмаси экспертлари гаджетда жиддий камчилик борлигини аниқлади.
Компания бош маслаҳатчиси Марк Дауд сўзларига кўра, хакерларга потенциал «мижоз»нинг Silent Circle ID’си ёки мобил рақамини билиш кифоя. Ушбу маълумотлардан фойдаланиб, ёвуз ниятли кишилар хабарларни махфий равишда расшифровка қилиб, ўқиш, контактларни кўриш, қурилманинг қаердалигини топиш, хотира картасидаги маълумотларни олиш ёки у ерга маълумот киритиш имконига эга бўлган.
Azimuth Security компанияни хатолик ҳақида хабардор қилгач, ишлаб чиқувчилар зудлик билан «баг»ни бартараф этди.
Изоҳ (0)