Коала ва пингвин селфилари интернетда оммалашиб кетди

Шотландиянинг Эдинбург шаҳрида жойлашган ҳайвонот боғи ходимлари кутилмаган вазиятларни суратга олиш учун баъзи қафасларга камера ўрнатиб чиқди, деб хабар бермоқда «Российская газета».

Камералар ҳайвонлар тегиши билан ишлайдиган қилиб ўрнатилган. Натижада кўплаб ҳайратомуз суратлар олинган. Айниқса, коала ва пингвин селфига ишқибоз чиқиб қолгани қайд этилган.

We were happy to help @HTC_UK launch their #REbyHTC cameras. Here are some of our favourite #animalselfies. pic.twitter.com/CGIznvwHPu

— Edinburgh Zoo (@EdinburghZoo) January 26, 2015

Жониворларнинг селфилари ижтимоий тармоқларда оммалашиб кетган. Кўпчилик суратларни ажойиб деб баҳолаган. Баъзилар эса кўпроқ суратлар қўйилишини сўраган. Айрим фойдаланувчилар эса киноя билан Шотландияда Эдинбург ҳайвонот боғидан бошқа гаплашадиган мавзу қолмаганини қайд этган.