Президент раҳнамолигида амалга оширилаётган кенг кўламли бунёдкорлик ишлари самарасида Фарғона вилояти Сўх тумани ҳам тобора чирой очиб, кўркам қиёфа касб этиб бормоқда, деб хабар беради Ўзбекистон Миллий ахборот агентлиги.
Туманни иқтисодий-ижтимоий ривожлантириш дастури ижроси доирасида жорий йилда саноат йўналишида 21, сервис ва аҳолига хизмат кўрсатиш бўйича 72, қишлоқ хўжалигида 12 лойиҳа амалга оширилди. 10 километрдан ортиқ ички йўллар таъмирланди. 3000 дан зиёд янги иш ўрни яратилди.
Туманда 29 умумтаълим мактаби, 22 мактабгача таълим муассасаси, 2 болалар ва ўсмирлар спорт мактаби ҳамда касб-ҳунар коллежи фаолият кўрсатмоқда. 2014 йилда янги болалар мусиқа ва санъат мактаби қурилиб, фойдаланишга топширилди.
Президентимизнинг 2009 йил 3 августда қабул қилинган «Қишлоқ жойларда уй-жой қурилиши кўламини кенгайтиришга оид қўшимча чора-тадбирлар тўғрисида»ги қарори қишлоқ инфратузилмасини ривожлантириш, аҳоли турмуш даражасини юксалтиришда муҳим аҳамият касб этмоқда. Ўтган йиллар мобайнида Зангат ва Тул массивларида намунавий лойиҳалар асосида 35 уй-жой қурилиб, ўз эгаларига топширилди.
Бугунги кунда туманда 297 фермер хўжалиги фаолият юритмоқда. Улар асосан ғаллачилик, боғдорчилик, узумчилик ва чорвачилик билан шуғулланади. Маълумотларга кўра, туманда жорий йилда айниқса картошка, карам ва бошқа қишлоқ хўжалиги маҳсулотларидан кутилганидан ҳам мўл ҳосил етиштирилган.
Шу кунларда Сўх туманида ҳам Янги йил байрамига қизғин ҳозирлик кўрилмоқда. Туман ички ишлар бўлими томонидан Янги йил тантаналари ўтадиган барча жойларда жамоат тартибини сақлаш, фавқулодда ҳодисаларнинг олдини олиш, йўл-транспорт ҳаракати, ёнғин хавфсизлигини таъминлаш юзасидан алоҳида гуруҳлар иш олиб бормоқда. Байрамни тинч ва осойишта ўтказиш учун жиноятчилик ва ҳуқуқбузарликларга қарши курашишни янада кучайтириш, жиноят содир этишга мойил шахсларни аниқлаб, уларга жамоатчилик вакиллари билан ҳамкорликда ижобий профилактик таъсир кўрсатиш мақсадида профилактик тадбири ўтказилмоқда.
Пиротехника воситаларини қонунга хилоф равишда Ўзбекистон ҳудудига олиб кириш, сотиш ва фойдаланиш ҳолатларига қарши кескин чоралар кўрилмоқда.
Изоҳ (0)