Белоруссия ҳукумати қандай қилиб бўлса ҳам мамлакат маҳсулотларини сотиш учун янги бозорларга чиқиши керак. Бу ҳақда Белоруссия президенти Александр Лукашенко баёнотига таяниб, ТАСС хабар берди.
«Россия бизга қардош мамлакат бўлса-да, ҳадеб унга сажда қила олмаймиз. Чунки, кўриб турганингиздек бу бозор издан чиқди, кетидан биз ҳам зарар кўрдик. Қачонлардир маҳсулотларимизнинг 85 фоизи Россия бозорида сотиларди, бугунги келиб эса бу кўрсаткич 40—45 фоизга тушиб қолди», — деди Лукашенко.
Унинг сўзларига кўра, ҳозирги вазиятда «қўл қовуштириб, яхшироқ давр келишини кутиб ўтириш» керак эмас. «Мамлакатда ишлаб чиқаришни қутқариш учун биз бугун имконимиз бўлган барча нарсаларни қилишимиз керак», — дея қўшимча қилди Лукашенко.
Изоҳ (0)