Belorussiya hukumati qanday qilib bo‘lsa ham mamlakat mahsulotlarini sotish uchun yangi bozorlarga chiqishi kerak. Bu haqda Belorussiya prezidenti Aleksandr Lukashenko bayonotiga tayanib, “TASS” xabar berdi.
“Rossiya bizga qardosh mamlakat bo‘lsa-da, hadeb unga sajda qila olmaymiz. Chunki, ko‘rib turganingizdek bu bozor izdan chiqdi, ketidan biz ham zarar ko‘rdik. Qachonlardir mahsulotlarimizning 85 foizi Rossiya bozorida sotilardi, bugungi kelib esa bu ko‘rsatkich 40—45 foizga tushib qoldi”, — dedi Lukashenko.
Uning so‘zlariga ko‘ra, hozirgi vaziyatda “qo‘l qovushtirib, yaxshiroq davr kelishini kutib o‘tirish” kerak emas. “Mamlakatda ishlab chiqarishni qutqarish uchun biz bugun imkonimiz bo‘lgan barcha narsalarni qilishimiz kerak”, — deya qo‘shimcha qildi Lukashenko.
Izoh (0)