Янги йилга «Винегрет» салатини тайёрлаймиз

«Дарё» нашрининг Korzinka.uz супермаркетлар тармоғи билан ҳамкорликдаги Янги йилга бағишланган лойиҳаси доирасида байрам дастурхонига тортиш мумкин бўлган таомлар рецептини тақдим этиб боришда давом этамиз.

Бугунги таомномада — «Винегрет» салати

Ушбу салатни тайёрлаш учун тахминан 40 дақиқа вақт ва 8685 сўм талаб этилади.

Зарур масаллиқлар:

• 200 г қизил лавлаги
• 200 г картошка
• 200 г сабзи
• 200 г маринадланган бодринг
• 100 г қизил олма
• 0,5 банка маринадланган кўк нўхат
• 20 г сирка
• 50 г зайтун ёғи
• туз
• мурч

Тайёрланиши:

1. Лавлаги, сабзи ва картошкани яхшилаб ювиб, қайнатамиз. Лавлаги ва сабзи картошкага нисбатан секинроқ пишиши сабабли, картошка пишгач, сузиб олиб қўйиш ва сабзи билан лавлагини нисбатан узоқроқ вақт қайнатиш тавсия этилади.

2. Сабзавотлар пишгач, совитиб, пўстидан тозалаймиз ва майда кубик шаклида тўғраб оламиз. Сабзавотларни совитиб, сўнг тўғраш мақсадга мувофиқ. Иссиқ ҳолда тўғралган картошка эзилиб кетиши мумкин.

3. Маринадланган бодрингни ҳам кичик тўртбурчак кўринишида тўғраймиз.

4. Барча маҳсулотларни бир идишга соламиз.

5. Таъбга кўра туз, мурч ҳамда 50 г зайтун ёғи қўшамиз. Ва барчасини аралаштирамиз.

6. Дастурхонга тортишдан олдин, ликопчага юпқа тўғралган олмани терамиз. Устига махсус қолип қўйиб, унга «Винегрет» салатини соламиз, сўнгра қолипни олиб ташлаймиз.

Салатимиз тайёр. Ёқимли иштаҳа!

Ушбу салатни тайёрлашда фойдаланилган маҳсулотларни Korzinka.uz супермаркетларидан харид қилишингиз мумкин.

Уларнинг нархлари билан қуйидаги жадвалда танишишингиз мумкин. Нархлар 8 декабрь ҳолатига келтирилган.

Рукн ҳомийси — Korzinka.uz супермаркетлар тармоғи.

Таомни тайёрлашда берган кўмаги учун Тошкентдаги Oshxona.uz ресторани ва шахсан бош ошпаз Чустийга миннатдорчилик билдирамиз.

Рукнимизнинг кейинги сонларида «Тошкент» ва юнонча салатларни тайёрлаймиз ҳамда улар билан янги йил дастурхонини безатамиз.