Bugungi taomnomada — “Vinegret” salati
Ushbu salatni tayyorlash uchun taxminan 40 daqiqa vaqt va 8685 so‘m talab etiladi.
Zarur masalliqlar:
- 200 g qizil lavlagi
- 200 g kartoshka
- 200 g sabzi
- 200 g marinadlangan bodring
- 100 g qizil olma
- 0,5 banka marinadlangan ko‘k no‘xat
- 20 g sirka
- 50 g zaytun yog‘i
- tuz
- murch
Tayyorlanishi:
1. Lavlagi, sabzi va kartoshkani yaxshilab yuvib, qaynatamiz. Lavlagi va sabzi kartoshkaga nisbatan sekinroq pishishi sababli, kartoshka pishgach, suzib olib qo‘yish va sabzi bilan lavlagini nisbatan uzoqroq vaqt qaynatish tavsiya etiladi.
2. Sabzavotlar pishgach, sovitib, po‘stidan tozalaymiz va mayda kubik shaklida to‘g‘rab olamiz. Sabzavotlarni sovitib, so‘ng to‘g‘rash maqsadga muvofiq. Issiq holda to‘g‘ralgan kartoshka ezilib ketishi mumkin.
3. Marinadlangan bodringni ham kichik to‘rtburchak ko‘rinishida to‘g‘raymiz.
4. Barcha mahsulotlarni bir idishga solamiz.
5. Ta’bga ko‘ra tuz, murch hamda 50 g zaytun yog‘i qo‘shamiz. Va barchasini aralashtiramiz.
6. Dasturxonga tortishdan oldin, likopchaga yupqa to‘g‘ralgan olmani teramiz. Ustiga maxsus qolip qo‘yib, unga “Vinegret” salatini solamiz, so‘ngra qolipni olib tashlaymiz.
Salatimiz tayyor. Yoqimli ishtaha!
Ushbu salatni tayyorlashda foydalanilgan mahsulotlarni Korzinka.uz supermarketlaridan xarid qilishingiz mumkin.
Ularning narxlari bilan quyidagi jadvalda tanishishingiz mumkin. Narxlar 8-dekabr holatiga keltirilgan.
Rukn homiysi — Korzinka.uz supermarketlar tarmog‘i.
Taomni tayyorlashda bergan ko‘magi uchun Toshkentdagi Oshxona.uz restorani va shaxsan bosh oshpaz Chustiyga minnatdorchilik bildiramiz.
Ruknimizning keyingi sonlarida “Toshkent” va yunoncha salatlarni tayyorlaymiz hamda ular bilan yangi yil dasturxonini bezatamiz.
Izoh (0)