Apple компанияси ҳаракатни аниқлаш технологияси учун патент олди

Apple ўтган кузда PrimeSense компаниясини харид қилган эди. Эндиликда эса PrimeSense’нинг ҳаракатни аниқлаш технологияси учун олинган патенти Apple номига ўтказилди. Бу ҳақда The Verge хабар берди, деб ёзади «Пароль» нашри.

Ушбу технологияда инфрақизил нур қўл, бармоқ, тананинг бирор қисми билан кесиб ўтилгандаги ҳаракат аниқланади ҳамда маълум бир буйруқларни амалга оширишда ишлатилади. Apple компаниясининг Apple TV, Mac компьютерлари ва iPhone смартфонларида ушбу лойиҳадан фойдаланилишини тахмин қилиш мумкин.

Эслатиб ўтамиз, яқинда Apple компанияси iPhone смартфонлари баландликдан тушиб кетганда, уларни дисплейида ёриқлар пайдо бўлишидан ҳимоя қилиш технологияси учун патент олган эди.

Шунингдек, «Пароль» нашрида қуйидаги хабарларни ўқишингиз мумкин:

• Компьютер сичқончаси 46 ёшга тўлди;
• YouTube 2014 йилда энг кўп томоша қилинган клиплар ўнлигини эълон қилди.