Apple kompaniyasi harakatni aniqlash texnologiyasi uchun patent oldi

Apple o‘tgan kuzda PrimeSense kompaniyasini xarid qilgan edi. Endilikda esa PrimeSense’ning harakatni aniqlash texnologiyasi uchun olingan patenti Apple nomiga o‘tkazildi. Bu haqda The Verge xabar berdi, deb yozadi “Parol” nashri.

Ushbu texnologiyada infraqizil nur qo‘l, barmoq, tananing biror qismi bilan kesib o‘tilgandagi harakat aniqlanadi hamda ma’lum bir buyruqlarni amalga oshirishda ishlatiladi. Apple kompaniyasining Apple TV, Mac kompyuterlari va iPhone smartfonlarida ushbu loyihadan foydalanilishini taxmin qilish mumkin.

Eslatib o‘tamiz, yaqinda Apple kompaniyasi iPhone smartfonlari balandlikdan tushib ketganda, ularni displeyida yoriqlar paydo bo‘lishidan himoya qilish texnologiyasi uchun patent olgan edi.

Shuningdek, “Parol” nashrida quyidagi xabarlarni o‘qishingiz mumkin:

• Kompyuter sichqonchasi 46 yoshga to‘ldi;
• YouTube 2014-yilda eng ko‘p tomosha qilingan kliplar o‘nligini e’lon qildi.