Sony компаниясининг сув остида жойлашган дўкони иш бошлади (фото)

Октябрь охирида хабар берилган Sony Aquatech Store сув ости дўкони иш бошлади. Бу ҳақда Phonearena.com сайти хабар берди, деб ёзади «Пароль» нашри.

Хабар қилинишича, ушбу дўкон тўрт метр сув остида жойлашган бўлиши керак эди. Ушбу сув ости дўкони Дубайда жойлашган бўлиб, унда Sony компаниясининг Xperia гаджетларини сув остида ишлатиб кўриш мумкин.

Эслатиб ўтамиз, Sony компанияси 2013 йилда илк сув ўтказмас Xperia Z смартфони ва Xperia Tablet Z планшетларини тақдим этган эди. Компаниянинг сўнгги Xperia Z3, Xperia Z3 Compact смартфонлари ва Xperia Z3 Tablet Compact планшетлари янада яхшироқ сув ўтказмаслик хусусиятига эга.

Ҳозирда ушбу дўконга фақатгина айрим ОАВ ходимлари, таклиф қилинган инсонлар ва конкурсда ғолиб бўлганлар кириши мумкин. Лекин ёмони, бу дўкон уч кунгина ишлаши кўзда тутилган.

Шунингдек, «Пароль» нашрида қуйидаги мақолаларни ҳам ўқишингиз мумкин:

• 2015 йилнинг биринчи ярмида тақдим этилиши кутилаётган энг яхши смартфонлар еттилиги;
• Apple iPhone 6 смартфони 2014 йилда Yahoo’дан энг кўп изланган сўзлар ўнлигидан ўрин олди;
• Sony PlayStation ўйин қурилмаси 20 ёшга тўлди.