АҚШнинг Техас университети тадқиқотчилари янги технологияни ишлаб чиқди, у симсиз ахборот алмашиш тезлигини бугунги кўрсаткичдан икки марта оширади. Бу ҳақда CNews хабар бермоқда.
Олимлар яратган электрон контур смартфон ёки планшет каби кичик қурилма учун тўлиқ дуплексли алоқа каналини яратишни кўзда тутади. Тўлиқ дуплексли алоқа гаджетнинг сигналларни ҳам юбориши, ҳам қабул қилиши демакдир.
Нашрнинг қайд этишича, ҳозирда замонавий мобил қурилмалар ярим дуплекс режимида ишлайди: улар ўта юқори тезлик билан юбориш ва қабул қилиш режимларини ўзгартириб туради.
Тадқиқотчилар смартфон ва планшетларга ахборотлар билан икки марта тезроқ айирбошлаш имконини берувчи контур қурилмаларга уларнинг тузилишини деярли ўзгартирмасдан қўшиб қўйилиши мумкинлигини таъкидлади.
Изоҳ (0)