Тошкент марказида жойлашган Ўзбекистон Халқ шоираси Зулфиянинг ҳайкали ўзгартирилди, деб хабар бермоқда «Anons.uz».
Зулфия хотирасига бағишлаб 2008 йил 1 мартда очилган ҳайкал ўтган шанба, 22 ноябрь куни олиб ташланиб, ўрнига шоиранинг бошқа ҳайкали ўрнатилди. Монумент этагига гуллар қўйилди.
Нашрда қайд этилишича, аввалроқ Facebook’даги «Обшчественний контрол» («Жамоатчилик назорати») гуруҳида Зулфия ҳайкалининг устки ранглари ўчиб, ачинарли ҳолатга тушиб қолгани масаласи кўтарилган. Шундан сўнг, Uz24 таҳририяти мазкур ҳайкалнинг қачон ўзгартирилиши ёки реконструкция қилинишини сўраб, Ўзбекистон Республикаси Маданият ва спорт ишлари вазирлигига мурожаат қилган.
Эслатиб ўтамиз, жорий йилнинг 31 октябрь, жума куни Ўзбекистон Республикаси Президенти Ислом Каримов «Ўзбекистон халқ шоири Зулфия таваллудининг 100 йиллигини нишонлаш тўғрисида»ги қарорни имзолади. Қарор Ўзбекистонда шоирани хотирлаб бир қатор маданий тадбирлар ўтказишни кўзда тутади.
Изоҳ (0)