Япония жанубидаги Кюсю оролида жойлашган Кумамото префектурасида мамлакатдаги энг йирик вулқон ҳаракатга келди, деб хабар бермоқда «Российская газета».
Асо деб номланган вулқон тутунининг баландлиги бир километрга етган. Вулқон кратеридан отилаётган кул 30 километр узоқликдан ҳам кўринмоқда. Мутахассислар аҳолини эҳтиёткорликка чақирмоқда. Хавфли ҳудудга бир километрдан яқинроққа келиш тақиқланган.
Эслатиб ўтамиз, сентябрь ойи охирида Токиодан 200 километр узоқликда жойлашган Онтаке вулқонининг кутилмаганда ҳаракатга келиши оқибатида 56 киши ҳалок бўлган эди.
Изоҳ (0)