БМТ Бош Ассамблеяси Фаластинни қўллаб-қувватловчи ва Исроилнинг истилочилик фаолиятини қораловчи бешта резолюцияни қабул қилди, дея хабар бермоқда ТАСС.
Йиллик асосда тасдиқланадиган ушбу ҳужжатлар Фаластин халқининг ўз тақдирини ўзи белгилашига, шунингдек Яқин Шарқ муаммосини ҳал қилишга имкон яратиши кўзда тутилган.
Ушбу ҳужжатларнинг иккитаси Фаластин муаммосини тинч йўл билан ҳал этишга қаратилган бўлиб, Исроилни ўзи Фаластин ҳудудида олиб бораётган ноқонуний ҳаракатларни зудлик билан тўхтатишга чақиради.
Қолган учта резолюция ташкилотларнинг Яқин Шарқдаги вазиятни тартибга солиш ва Фаластин халқининг ўз тақдирини ўзи белгилаш ҳуқуқини таъминлашга тегишли ташаббусларига алоқадордир.
Изоҳ (0)