Тошкентдаги ФИДЕ Гран-присида россиялик гроссмейстер ғалаба қозонди

Тошкент шаҳрида икки ҳафта давом этган ФИДЕ Гран-приси 2 ноябрь куни ўз якунига етди. Сўнгги 11-турда россиялик Дмитрий Андрейкин голландиялик Аниш Гири билан дуранг ўйнади ва 11 имкониятдан етти очко тўплаб, Тошкент Гран-приси ғолибига айланди. Бу ҳақда «Olamsport» хабар бермоқда.

• Карякин — Қосимжонов 1:0,
• Яковенко — Каруана 0:1,
• Андрейкин — Гири, Жобава — Мамадияров, Вашье-Лаграв — Накамура ҳамда Ражабов — Гельфанд партияларида дуранг натижа қайд этилди.

Якуний жадвал: 

• 1. Андрейкин — 7;
• 2-3. Мамадияров, Накамура — 6,5 тадан;
• 4-7. Каруана, Карякин, Жобава, Вашье-Лаграв — 6 тадан;
• 8. Ражабов — 5,5;
• 9. Гири — 5;
• 10. Яковенко — 4,5;
• 11-12. Гельфанд, Қосимжонов — 3,5 тадан.