АҚШда номаълум шахс томонидан президент қароргоҳи − Оқ уй ҳудудига шимол томондан рухсатсиз киришга уриниш тўхтатиб қолинди, деб хабар бермоқда ТАСС.
Қоидабузарга дастлаб қўриқчи итлар ҳужум қилган, кейин эса соқчилар томонидан қўлга олинган. Президент хавфсизлигига масъул АҚШ Махфий хизмати вакили Браян Лирининг маълум қилишича, қонунбузар 23 ёшли АҚШ фуқароси Доминик Адесанья бўлган. У Мэриленд штатида, Вашингтондан узоқ бўлмаган Бел-Эр аҳоли пунктида яшаган. Унинг ёнида қурол бўлмаган.
Итлардан ажратиб олинган Адесанья тиббий ёрдам кўрсатилишига муҳтож бўлган. Қўриқчи итлардан иккитасини эса ветеринарга кўрсатишга тўғри келган. Бу сўнгги ойлар ичида Оқ уй ҳудудига кириб олишга иккинчи уриниш бўлиб, биринчиси оқибатида АҚШ Махфий хизмати раҳбари Жулия Пирсон истеъфога чиққан эди.
Изоҳ (0)