Чеченистон президенти Рамзан Қодиров пойгаларда ғолиб бўлган отларига қарши санкциялар қўллаган Германия вакилларини ҳазил билан танқид қилди, деб хабар бермоқда Gazeta.ru.
«Ҳукумат ва бундестагдаги узоқ муҳокамалар, президент ва канцлер ўртасидаги маслаҳатлашувлардан сўнг улар Зазуни ҳалол меҳнати ва тезкор ҳаракатлари эвазига ишлаб топган мукофот пулларидан маҳрум қилдилар, шунингдек, эркин ҳаракатланиш имконини чекладилар. Дунё бўйлаб содир бўлаётган воқеаларга Зазу айбдорга ўхшайди. Ироқ, Сурия, Ливия ва Афғонистонда уруш бошлаш, Белградни бомбардимон қилиш ҳақида у қарор қилган экан. Шунинг учун немис сиёсатчилари ўзларининг ўтган асрдаги шармандали ҳаракатларини жониворга юклади. Зазу тинч яшаб, сули еб, чопиб югуришни ва одамларга шодлик улашишини истайди холос», − деб ёзди Қодиров Instagram’да.
Шунингдек, у тулпорларга етказилган маънавий зарар ва уларнинг дискриминация қилингани учун компенсация ундиришга амин эканлигини таъкидлаган.
Аввалроқ, Рамзан Қодировга Европа Иттифоқи томонидан санкциялар қўйилгани учун унинг Зазу ва Тезкор Финиш лақабли отларига Германиядаги пойгалардаги ғалабаси учун мукофот пулларини тўлашдан бош торилгани ҳақида хабар берилган эди.
Изоҳ (0)