Microsoft компанияси 7 август куни Windows Phone Store интернет дўконидаги дастурлар сони 300 мингга етгани ҳақида маълумот тарқатди. Бу ҳақда Phonearena.com сайти маълумотига асосланиб «Пароль» нашри хабар берди.
2013 йилнинг декабрида Windows Phone Store’даги дастурлар сони 200 мингни ташкил этар эди. Бу кўрсаткич жорий йилнинг апрель ойида 250 минг бўлган. Бундан келиб чиқадики, ҳар 4 ойда Windows Phone Store’даги дастурлар сони 50 мингга кўпаймоқда.
Шунингдек, Microsoft маълумотига кўра, шу пайтгача Windows Phone Store орқали 4 миллиарддан мартадан ортиқ дастур ва ўйинлар юклаб олинган.
Албатта бу кўрсаткичларни App Store ёки Google Play билан солиштириб бўлмайди. Бироқ Windows Phone операцион тизимида дастурлар камлигидан нолийдиганлар учун бу етарли рақамлар бўла олади.
Изоҳ (0)