Windows Phone Store internet do‘konidagi dasturlar soni 300 mingga yetdi

Microsoft kompaniyasi 7-avgust kuni Windows Phone Store internet do‘konidagi dasturlar soni 300 mingga yetgani haqida ma’lumot tarqatdi. Bu haqda Phonearena.com sayti ma’lumotiga asoslanib “Parol” nashri xabar berdi.

2013-yilning dekabrida Windows Phone Store’dagi dasturlar soni 200 mingni tashkil etar edi. Bu ko‘rsatkich joriy yilning aprel oyida 250 ming bo‘lgan. Bundan kelib chiqadiki, har 4 oyda Windows Phone Store’dagi dasturlar soni 50 mingga ko‘paymoqda.

Shuningdek, Microsoft ma’lumotiga ko‘ra, shu paytgacha Windows Phone Store orqali 4 milliarddan martadan ortiq dastur va o‘yinlar yuklab olingan.

Albatta bu ko‘rsatkichlarni App Store yoki Google Play bilan solishtirib bo‘lmaydi. Biroq Windows Phone operatsion tizimida dasturlar kamligidan noliydiganlar uchun bu yetarli raqamlar bo‘la oladi.