Муборак Рамазон ҳайити муносабати билан Ўзбекистон Республикаси Президенти Ислом Каримов номига қатор хорижий давлатлар ва нуфузли халқаро ташкилотлар раҳбарларидан самимий қутловлар келмоқда. Бу ҳақда ЎзА хабар берди.
Ўзбекистон Республикаси ПрезидентиИслом Каримов Жаноби ОлийларигаМуҳтарам Президент Жаноблари!
Америка Қўшма Штатлари халқи номидан Рамазон ҳайити муносабати билан Сизга ва Ўзбекистон халқига энг самимий табрик ва тилакларимни йўллайман.
Ўтган ой давомида бутун дунё мусулмонлари эътиқодларига таянган ҳолда ҳамда муҳтожларга ёрдам бериб, оила аъзолари ва ёр-дўстлари билан Рамазон удумларига риоя қилдилар. Ушбу ой Сиз ва Сизнинг яқинларингиз учун ҳам янгиланиш ва покланиш айёми бўлди, деб умид қиламан.
Келгуси йил давомида Сизга тинчлик, сиҳат-саломатлик ва фаровонлик тилайман.
Камоли эҳтиром ила,
Барак Обама, Америка Қўшма Штатлари Президенти
* * *
Ўзбекистон Республикаси ПрезидентиИслом Каримов Жаноби ОлийларигаЖаноби Олийлари!
Рамазон ҳайити муносабати билан йўллаган эзгу истакларингиз ва самимий табрикларингиз учун Сизга миннатдорлик билдираман. Ийд-ал-Фитр муносабати билан Сизга ўзимнинг қизғин қутловларим ва энг эзгу тилакларимни изҳор этаман.
Жаноби Олийлари, Сизга бўлган ғоят юксак ҳурмат-эҳтиромимни қабул қилгайсиз.
Шамшад Ахтар, БМТ Бош котибининг ўринбосари, ЭСКАТО ижрочи котиби
Қутловлар келиши давом этмоқда.
Изоҳ (0)