Украина ҳудудига қулаган Малайзиянинг «Боинг»и йўловчиси ўзининг Facebook’даги саҳифасига самолётнинг парвоздан олдинги суратини жойлаган. Бу ҳақда «Российская газета» хабар берди.
«Мабодо у йўқолиб қолса, мана шундай кўринишга эга бўлган», — дея расмга изоҳ берган Кор Пан исмли фойдаланувчи. Суратда аэропорт коммуникацияларига уланган лайнер акс этган, геолокация маълумотларига кўра, фотосурат Схимхол аэропортида туширилган.
Айни пайтгача расм 17 мингдан ортиқ марта бўлишилган, унга 160 дан ортиқ изоҳ ёзилган. Фойдаланувчиларнинг кўпчилиги ҳаётидаги сўнгги суратни Facebook’ка жойлаган йигитнинг қариндошлари ва яқинларига ҳамдардлик изҳор этмоқда.
Эслатиб ўтамиз, «Боинг-777» Тошкент вақти билан пайшанба куни 20:00 да Донецк вилояти ҳудудида ҳалокатга учради. Сўнгги маълумотларга кўра, самолёт қулаши натижасида 298 киши ҳалок бўлган.
Изоҳ (0)