5 июль, шанба куни бўлиб ўтадиган «Пахтакор» — «Бунёдкор» баҳсига ташриф буюрган мухлис «Соғлом бола йили»га бағишланган «Омадли мухлис» ижтимоий акциясида иштирок этиши ва эсдалик совғалари сифатида Samsung Galaxy S4 ёки Samsung Galaxy S4 mini, «Шарқ Телеком» провайдерига текин уланиш ва 10 GB интернетдан фойдаланиш, Ucell’дан эсдалик совғалари ҳамда Fitness House соғломлаштириш марказига ойлик абонементни қўлга киритиши мумкин. Бу ҳақда «Olamsport» хабар қилди.
Чипталарни харид қилган киши «Омадли мухлис» ижтимоий акцияси иштирокчисига айланади. Чипталар «Пахтакор» Марказий стадиони кассаларида 5000 сўмга сотилмоқда.
«Пахтакор» — «Бунёдкор» учрашуви 5 июль, шанба куни «Пахтакор» Марказий стадионида соат 19:30 да бошланади.
Изоҳ (0)