Samsung 2015 йилда икки буклаб смартфонга айлантириладиган эгилувчан планшетни тақдим этади

2015 йил бошида Samsung компанияси ўзининг эгилувчан дисплейга эга бўлган ва букланадиган қурилмасини тақдим этади. Бу ҳақда Mail.ru хабар берди.

Корея ОАВлари тарқатган хабарларга кўра, янги гаджет дастлаб 8—9 дюймли Super AMOLED дисплейга эга планшет сифатида чиқарилади.

Экран пластик тагликка ўрнатилади ва сенсорли қатламга эга бўлади. Дисплей четлари марказга қараб букланади (3 қават бўлиб), натижада 4—5 дюймли смартфон ҳосил бўлади. Таъкидланишича, Samsung томонидан ишлаб чиқилган технология экранни минг марталаб муаммосиз буклаш имконини беради.