Бухорода ёш оилалар учун 64 хонадондан иборат турар-жой биноси фойдаланишга топширилди, дея хабар бермоқда Kun.uz Бухоро вилояти ҳокимлиги сайтига асосланиб.
Ушбу бинода бунгача «Бухоротекс» корхонасининг профилакторийси жойлашган эди.
Очилиш маросими доирасида 32-«Меҳрибонлик уйи»нинг собиқ тарбияланувчиларидан саккиз жуфтликнинг никоҳ, шунингдек, кам таъминланган бир неча оила фарзандларининг суннат тўйлари бўлиб ўтди.
Шундан сўнг уйнинг дастлабки соҳиблари, уй-жойга муҳтож беш келин-куёвга улар учун ажратилган хонадонларнинг калитлари топширилди.
Ҳомийлар ёш оилаларга рўзғор учун зарур маиший техникаларни совға қилишди.
«Ёшлар турар жойи»нинг биринчи қаватидан озиқ-овқат дўкони, новвойхона, интернет-клуб, кийимларни тозалаш хизмати фаолияти йўлга қўйилган.
Изоҳ (0)