Daewoo ва Hyundai Талимаржон иссиқлик электр станциясини 861 млн долларга модернизация қилишни бошлади

Жанубий Кореянинг Daewoo ва Hyundai компанияларидан иборат консорциум Талимаржон иссиқлик электр станциясида 861 миллион долларлик модернизация ишларини бошлади. Бу ҳақда «Ўзбекэнерго» ДАК вакили «Новый век» нашрига маълум қилди.

Унинг сўзларига кўра, асосий технологик ускуналар етказилган, компаниялар шартномани бажаришга киришишган.

2013 йил мартида Daewoo ва Hyundai тендер натижаларига кўра «Ўзбекэнерго» ДАК билан бундай шартномани имзолаган эди. Унинг шартлари 450 МВт қувватига эга иккита буғ-газ қурилмасини қуриб, тайёр ҳолатда топширишни назарда тутади.

Буғ-газ қурилмасини Япониянинг Mitsubishi Corporation компанияси етказиб беради. Лойиҳани амалга ошириш муддати уч йил.