AQShning Apple kompaniyasi o‘zining iWatch soatini sentabrda taqdim etadi, deya xabar berdi “ITAR-TASS”.
Qurilma oktabrdayoq sotuvga chiqadi, narxi 199—299 dollar atrofida bo‘ladi.
“Aqlli” soat yordamida foydalanuvchilar o‘z jismoniy ahvolini nazorat qilib borishi, pulsini va qadamlari sonini o‘lchashi mumkin bo‘ladi. Qurilma iOS platformasida ishlaydi va egilgan OLED-ekranga ega.
Avvalroq Apple vitse-prezidenti Eddi Kyu kompaniya bu yil o‘zining so‘nggi 25 yil ichida eng yaxshi gadjetlarini taqdim etishini ma’lum qilgan edi.
Eddi Kyu aynan qanday gadjetlarni nazarda tutayotganiga aniqlik kiritishga shoshilmadi. Biroq ushbu “eng yaxshi” qurilmalarning dastlabkilari 2-iyun kuniyoq WWDC 2014 anjumani davomida namoyish etilishi mumkin.
Izoh (0)