Австралиянинг Ocean Shield ҳарбий кемаси Ҳинд океанидаги Малайзиянинг йўқолган «Боинг»и қулаган дея тахмин қилинаётган қидирув ҳудудига қайтишни режалаштирмоқда. Бу ҳақда Австралиянинг ABC телеканали хабар берди.
«Кун»нинг қайд этишича, қидирув ишларида қайта созланган Bluefin-21 батискафидан ҳам фойдаланилади, қурилма сувга туширилади.
АҚШ ҳарбий-денгиз кучлари капитани Марк Меттюснинг сўзларига кўра, қидирув ҳудудига етиб бориш учун кемага уч кун вақт керак бўлади.
«Улар ё нимадир топади, ёки ҳеч нарса чиқмайди. Бу ҳудуд ҳали тўлиқ ўрганиб чиқилгани йўқ, шундай экан, у ерда ишлашда давом этамиз», — деди Меттюс.
Malaysia Airlines’нинг Куала-Лумпур—Пекин йўналиши бўйлаб парвоз қилаётган Boeing 777-200 лайнери 8 мартга ўтар кечаси радарлардан йўқолган эди. Самолёт бортида 239 киши бўлган.
Изоҳ (0)