Алишер Усмонов ва Антон Винерга тегишли бўлган «Химки Групп» компанияси 2014 йилнинг сўнгига қадар «Ватутинки Олимпиада қишлоғи» турар-жой комплексини қуришни бошлайди. Бу ҳақда РБК daily газетаси хабар қилди.
«Янги Москва»даги қурилиш жойини тадбиркор ушбу ҳудуд Россия пойтахтига қўшилгунига қадар харид қилган эди. Ёзда компания қурилиш учун мўлжалланган турар-жойнинг лойиҳасини қабул қилишни режалаштирмоқда. Йилнинг тўртинчи чорагида эса қурилиш ишлари бошланади. Қурилиш учун «Сбербанк» ва компания ҳиссадорлари маблағ киритади.
Москва ҳалқа автомобиль йўлидан 12 километр узоқликда жойлашган тўрт гектарлик ҳудудда жами 60 минг квадрат метрдан иборат кўчмас мулк барпо этиш режалаштирилган. Шундан 45 минг квадрат метрида турар-жой бинолари, қолганида эса ижтимоий объектлар, жумладан, бадиий гимнастика маркази, бокс ва академик эшкак эшиш мактаблари ташкил этилади.
Изоҳ (0)