АҚШ ҳарбийлари Россия авиациясининг Тинч океанидаги фаоллиги кучайгани ҳақида маълум қилди ҳамда ушбу ҳолатни Украинадаги вазият билан боғлади. Бу борада Тинч океанининг Осиё ҳудудидаги АҚШ Ҳарбий-ҳаво кучлари бўлинмаси қўмондони генерал Херберт Карлайл баёнот берди, деб ёзади «РИА Новости».
Америкалик генерал Россия ҳарбий самолётлари Калифорния штати қирғоқлари ва АҚШга тегишли бўлган Гуам оролларигача етиб борганини таъкидлади.
Калифорния ва Гуам Украинадан 10 минг километр узоқликда жойлашган.
«Россиянинг Украина ва Қримдаги ҳаракатлари Тинч океанининг Осиёга тегишли ҳудудига бевосита таъсир кўрсатади. Буни амалда ҳам кўряпмиз. Россия авиациясининг ушбу ҳудуддаги фаоллиги ошиб бормоқда. Улар Калифорния штати қирғоқлари ва Гуам оролларига яқинлашди. Ф-15 қирувчи самолётлари уларни қуршовга олиш учун осмонга кўтарилди», — деди Карлайл.
Изоҳ (0)