АҚШ Сурияда қуролли ҳаракатлар олиб бораётган мухолифатга қўшимча 27 миллион доллар ажратади. Шу тариқа, Оқ уй маъмурияти томонидан 2011 йилдан буён суриялик қўзғолончиларга ажратилган маблағнинг умумий миқдори 287 миллион долларни ташкил этди. Бундан ташқари, АҚШ Вашингтондаги Сурия мухолифати ваколатхонасининг мақомини оширди, деб хабар берди «Вести».
Эндиликда Суриялик қўзғолончилар вакиллиги Америка қонунчилигига мувофиқ «хорижий миссия» дея номланади.
Мақомнинг бундай оширилиши рамзий маънога эга. Бироқ суриялик мухолифат вакиллари бу нарса уларнинг Вашингтондаги ҳолатига ижобий таъсир кўрсатиб, америкалик амалдорларнинг уларга бўлган ишончини оширади, деб ҳисобламоқда.
Бу орада Сурия президентлик сайловларига тайёргарлик кўрмоқда. Сурия президентлиги учун уч нафар номзод, шу жумладан, мамлакатнинг амалдаги раҳбари Башар Асад ҳам кураш олиб бормоқда. Шунингдек, Олий конституцион суд икки нафар мухолифат вакилига ҳам сайловда ўз номзодларини қўйишга рухсат берди. Булар Маъмурий ривожланиш бўйича вазир Махер Хаджар ва собиқ давлат вазири ва бизнесмен Хасан ал-Нури.
Изоҳ (0)