«Реал» УЕФА рейтингида «Барселона»ни ортда қолдириб, биринчи ўринга кўтарилди

«Реал» жамоаси «Бавария» устидан қозонилган ғалабадан кейин УЕФА рейтингида биринчи ўринга кўтарилиб олди. «Қироллик клуби» бу борада «Барселона»ни ортда қолдирди, деб хабар беради Uff.uz.

Пеп Гвардиола бошқарувидаги «Бавария» жамоаси эса учинчи ўринни эгаллаган. Чемпионлар лигасидаги иштирокини якунлаган «Челси» жамоаси мазкур рўйхатда тўртинчи ўринда турибди. Гарчи муваффақияциз мавсумни ўтказганига қарамай, «Манчестер Юнайтед» жамоаси бешинчи поғонани банд этди.

Чемпионлар лигаси финалига йўл олган «Атлетико» клуби эса ушбу рейтингда еттинчи ўринда бормоқда.

1. «Реал» — 159.371
2. «Барселона» — 157.371
3. «Бавария» — 154.328
4. «Челси» — 140.949
5. «Манчестер Юнайтед» — 128.949
6. «Бенфика» — 126.359
7. «Атлетико» — 119.371
8. «Валенсия» — 113.371
9. «Арсенал» — 112.949
10. «Порту» — 105.359.