Dilshod Azimov “O‘zsuvta’minot” rahbari vazifasini bajarishdan ozod etildi. Bu haqda vaziyatdan xabardor “Daryo” manbasi xabar berdi.
Azimov 2023-yil 14-iyul kuni “O‘zsuvta’minot” AJ boshqaruv raisi vazifasini bajaruvchi etib tayinlangandi. “O‘zsuvta’minot”ning avvalgi rahbari Sohib Saifnazarov o‘sha yilning 11-iyulida prezident ishtirokida bo‘lib o‘tgan yig‘ilishda lavozimidan ozod etilgandi.
“O‘zsuvta’minot” rahbariyatiga kelgunga qadar Dilshod Azimov 2020—2023-yillarda Global Water Engineering MCHJ moliya va iqtisod bo‘yicha direktori o‘rinbosari lavozimida ishlagan. Undan avval 2017—2020-yillarda Uy-joy kommunal xizmat ko‘rsatish vazirining birinchi o‘rinbosari, vazir o‘rinbosari bo‘lgan.
Izoh (0)