Namangan shahridan Pop tumanidagi turizm manzillaridan biri bo‘lgan Chodak qishlog‘iga poyezd qatnovi yo‘lga qo‘yildi. Bu haqda “Daryo” muxbiri Azizbek Abduvaliyev xabar bermoqda.
Prezidentning joriy yilgi Namanganga tashrifi davomida viloyatning tog‘li va xushmanzara hududlarida turizmni rivojlantirish, sayyohlarga qulaylik yaratish uchun avia va temiryo‘l qatnovlarini ko‘paytirish zarurligi ko‘rsatib o‘tilgandi.
16-may kuni Namangan—Chodak—Namangan yo‘nalishdagi ilk poyezd Namangan shahridan Chodak qishlog‘i tomon yo‘l oldi. Viloyat nuroniylaridan iborat katta guruh ushbu poyezdning ilk yo‘lovchilari bo‘ldi.
Poyezd Chodakkacha uch soatda yetib boradi. Chipta narxi 12 ming so‘m etib belgilangan.
.jpg?_t=1715870883)
Izoh (0)